Dinjsdach, dän 11. Aprell, woaren väle nom Owentmol komen, waut nich mea prädjen. Dee haben aunjefongen dän Rees fa daut Läwen to ranen, oba haben wäajen veschiedne Uasoaken nojeloten – eenje Uasoaken sent en daut Heft Komm zurück zu Jehova to finjen (Heb 12:1). Fa Jehova sent soone noch väl wieet; hee haft dee met sienen Sän sien Bloot jekoft (Apj 20:28; 1Pe 1:18-19). Woo kjenn wie dee halpen, wada trigj no de Vesaumlunk to komen?

Soo aus een Hoad sea no de Schop sieekjt, waut sikj vebeiselt haben, soo sieekjen de Eltestasch no soone, waut nich mea prädjen, toom dee halpen (Luk 15:4-7). Daut wiest, daut Jehova dee leeft un om dee bekjemmat es (Jer 23:3-4). Jieda eena, nich bloos de Eltestasch, kaun soone Moot jäwen. Jehova räakjent daut sea väl, wan wie ons aunstrenjen, leeftolich un metliedent to sennen, un daut kaun väl goodet brinjen (Spr 19:17; Apj 20:35). Doawäajen denkj doaräwa no, wäm du kaust Moot jäwen, un siem nich!

KJIKJ DAUT VIDEO JEFF DEE MOOT, WAUT NICH MEA PRÄDJEN, UN DAN BEAUNTWUAT DISE FROAGEN:

• Waut deed Abbey, aus see eene Sesta troff, waut see nich kjand?

• Wuarom wudd eena met de Eltestasch räden sellen, ea eena wäm holp, waut nich mea prädicht?

• Woo muak Abbey sikj reed, aus see toom tweede Mol no Laura gonen wull?

• Woo wia to seenen, daut Abbey aunhoolent, jeduldich un leeftolich wia, aus see Laura proowd Moot to jäwen?

• Waut lieet ons Jesus sien Jlikjnis en Lukas 15:8-10?

• Waut fa goodet kjeem doabie rut, daut Laura jeholpen wort?