Aus Paulus un Silas em Jefenkjnis wieren, lowden dee Gott met Leeda (Apj 16:25). Un onse Gloowesbreeda, waut unja de Nazi-Rejierunk en Dietschlaunt en daut Loaga Sachsenhausen wieren, un dee, waut no Sibirien musten, sungen Kjennichrikjsleeda. Dee äa Biespel wiest, daut Christen en schwoare Tieden väl Moot schapen kjennen, wan dee Leeda sinjen.

Daut niee Leedabuak Sinjt met Freiden fa Jehova woat daut boolt opp een deel Sproaken jäwen. Wan wie daut Buak ieescht haben, dan kjenn wie de Leeda bie ons Famieljenstudium eewen un ons dee lieren (Ef 5:19). Dan woat de heilja Jeist ons aun dee denkjen halpen, wan Schwierichkjeiten komen. De Kjennichrikjsleeda kjennen ons halpen, onse Hopninj em Uag to hoolen. Dee kjennen ons en schwieeje Tieden Moot jäwen. Un wan ons daut scheen jeit, dan kjenn wie dise besondre Leeda “met freiden” sinjen, wiels ons Hoat soo schaftich es (1Ch 15:16; Ps 33:1-3). Well wie onse Kjennichrikjsleeda aulsoo fa voll brucken!

KJIKJ DAUT VIDEO EEN LEET, WAUT HOLP UTTOHOOLEN, UN DAN BEAUNTWUAT DISE FROAGEN:

• Wuahäa stald Brooda Frost een Leet toop?

• Woo jeef daut Leet de Breeda en daut Loaga Sachsenhausen Moot?

• Woo kjennen de Kjennichrikjsleeda die en dien Läwen stoakjen?

• Woone Kjennichrikjsleeda wurscht du die jleichen utwendich to lieren?