Wäm sell wie fein oppnämen? Aule, waut no onse Toopkomes komen, endoont aus dee toom ieeschte Mol doa sent ooda aul lang onse Frind sent (Ree 15:7; Heb 13:2). Veleicht komen doa Gloowesbreeda von Utlaunt ooda soone, waut nich mea prädjen gonen un aul joarenlank nich mea bie de Toopkomes wieren. Woo wurscht du die en dee äare Städ feelen? Wudd die daut nich uk väl wieet sennen, wan se die fein oppneemen? (Mat 7:12). Wudd wie ons kjennen dolla aunstrenjen un aundre gonen bejreessen ea daut Toopkomen aunfangt un wan daut derch es? Daut halpt met, daut aule sikj wool feelen un Leew späaren, un daut ieet Jehova (Mat 5:16). Wie woaren veleicht nich met aule räden kjennen. Oba wan wie ons Poat doonen, dan feelen aule sikj doa fein oppjenomen. *

Wie wellen aundre emma fein oppnämen, nich bloos aun eenen jewessen Dach, soo aus biem Owentmol. Wan de Niee de christelje Leew seenen un späaren, dan wellen dee veleicht dän woaren Gott preisen un dän met ons toop deenen (Joh 13:35).