ONS CHRISTELJET LÄWEN
Sträw doano, von Jehova belieet to woaren
WUAROM DAUT JEDONEN SAUL: De baste Belierunk kjemt von Jehova. Hee lieet ons, woo wie ons Läwen vebätren kjennen un moakt ons fa daut komende wundascheene Läwen reed. Un dan noch aules emsonst! (Jes 11:6-9; 30:20-21, NW; Opb 22:17). Derch de Belierunk von Jehova sent wie uk emstaunt, aundre de Norecht to brinjen, waut Läwes rat (2Ko 3:5).
WOO EENA DAUT DOONEN KAUN:
-
Proow aun Deemoot un Saunftmoot to schaufen (Ps 25:8-9)
-
Nutz daut ut, waut du nu aul lieren kaust, biejlikj bie de Schooloppgowen en ons Toopkomen enne Wäakj
-
Denkj doaräwa no, woo du Jehova noch bäta deenen kaust, un oabeid doano han (Flp 3:13)
-
Strenj die aun, de Bedinjungen to erfellen, om die von Jehova siene Organisazion noch dolla utlieren to loten (Flp 3:8)
KJIKJ DAUT VIDEO EM JEISTELJEN RIKJ JEWORDEN DERCH JEHOVA SIENE BELIERUNK, UN DAN BEAUNTWUAT DISE FROAGEN:
-
Waut fa Schwierichkjeiten musten eenje Vekjindja äwakomen, daut see kunnen no de School fa Kjennichrikjsvekjindja gonen?
-
Waut lieren dee eenem doa en de School fa Kjennichrikjsvekjindja?
-
Woo haben dee, waut de School derchjinjen, von dee Vesaumlunk Help jekjräajen, wua see hanjeschekjt worden?
-
Waut woat von dee velangt, waut sikj fa dise School aunjäwen wellen? (kr-X 189)
-
No waut kaust du en Jehova siene Organisazion noch sträwen toom die utlieren loten?