Von dit Joa aun woa wie mea Tiet haben, ons fa daut Aundenkjen aun Jesus sienen Doot reedtomoaken. Wan daut Owentmol tweschen Mondach un Friedach aufjehoolen woat, dan woa wie Ons Toopkomen fa Läwen un Deenst dee Wäakj nich haben. Un wan daut utgangs Wäakj traft, dan es daut Owentmol enne Städ de biblische Räd un daut Woaktorm-Studium. Woascht du dan dän Dach, wua wie nich Toopkomen haben, de Tiet daut baste brucken? Krakjt soo aus en Jesus siene Tiet, mott fa disen besondren Dach eenjet reedjemoakt (Luk 22:7-13; km-X 3/15 1). Oba ons Hoat sell wie aula doafäa reedmoaken. Woo kaun eena daut doonen?

• Denkj doaräwa no, woo wichtich daut es, doabie to sennen (1Ko 11:23-26)

• Bäd un denkj doaräwa no, woo du die met Jehova steist (1Ko 11:27-29; 2Ko 13:5)

• See die enne Schreft un en onse Bieekja no, waut daut Owentmol bediet, un moak die Jedanken doaräwa (Joh 3:16; 15:13)

Eenje Vekjindja gonen daut Bibelläsen fa daut Owentmol derch (ut daut Heft Täglich in den Schriften forschen) un denkjen doaräwa no. Aundre läsen de Bibelvarzh, waut hia en disen Kalenda aunjejäft sent. Wada aundre seenen sikj de Woaktorms derch, dee von daut Owentmol un von de Leew räden, waut Jehova un Jesus ons jewäsen haben. Mucht daut, waut du von dit toom studieren brukst, die Jehova un sienen Sän noch noda brinjen.