WUAROM DAUT JEDONEN SAUL: Aulet Jereetschoft, waut wie fa dän Deenst brucken, es opp jw.org to finjen. Daut Koatje un daut Zeichnisblaut Wua kjenn wie de Auntwuaten opp onse wichtichste Froagen finjen? sent uzhent toom onse Websied bekauntmoaken. Eena kaun jw.org brucken toom wäm ellektroonische Bieekja schekjen, waut wie fa dän Deenst haben, ooda dänjanjen eenen Link schekjen. Derch daut kaun eena soone Menschen fein halpen, waut eene aundre Sproak räden. Daut, waut wie fa dän Deenst brucken, beauntwuat veleicht nich aule Froagen, waut de Menschen haben. Wan wie ons dan fein met de Websied vestonen, dan kjenn wie de Menschen em Deenst noch bäta halpen.

WOO EENA DAUT DOONEN KAUN:

• Bruck daut, waut en “BIBLISCHE LIEREN” es. Wan eena eenen Voda ooda eene Mutta prädjen wudd un dee dan weeten wull, wua dee Help finjen kunn toom Kjinja opptrakjen, dan go no BIBLISCHE LIEREN > EHE UN FAMIELJE.

• Bruck daut, waut en “BIEEKJA UN MEA” es. Wan eena wäm enne School opp Jeläajenheit prädjen well un wan eena dän daut Video wiesen well Waut junge Menschen sajen – Aun Gott jleewen, dan go no BIEEKJA UN MEA.

• Bruck daut, waut en “MEA ÄWA ONS” es. Wan eena wäm von de Oabeitspoatna prädicht un dee dan waut doaräwa läsen well, waut wie jleewen, dan go no MEA ÄWA ONS > WAUT FOAKEN JEFROACHT WOAT.

KJIKJ DAUT VIDEO SIKJ MET JW.ORG VESTONEN, UN DAN SEE, WUA DU KAUST OPPE WEBSIED HELP FINJEN:

• wan doa wäa nich aun Gott jleeft

• wan doa jroz wäa waut schlemmet beläft haft

• wan een Brooda ooda eene Sesta nich mea prädicht ooda no de Toopkomes kjemt

• wan een Wadabesuch weeten well, woo de Onkosten von ons Woakj jedakjt woaren

• wan doa wäa en een aundret Launt es un dee weeten well, wua en sien Launt de Toopkomes sent