Wuarom sell wie Tiet met dee vebrinjen, waut Jehova leewen? Wiels aundre sent ons entwäda toom gooden ooda toom schlajchten, wan wie met dee toop sent (Spr 13:20). Soo aus de Kjennich Joasch: Dee “deed waut däm HARN jefoll”, soolang aus dee met dän Huagen Priesta Jojada toop wia (2Ch 24:2). Aus Jojada ieescht doot wia, dreid Joasch Jehova dän Rigjen wäajen schlajchte Jesalschoft (2Ch 24:17-19).

De Apostel Paulus vejlikjt de Christenvesaumlunk to siene Tiet met “een grootet Hus” un de Menschen wieren soo aus “Jefässa”, ooda Sachen em Hus. Woo kjenn wie soo aus “een Jefäs to Ieren” sennen? Wan wie ons nich too väl met soone aufjäwen, waut Jehova nich jefaulen wellen, mau rajcht, wan daut wäa von ons Frintschoft ooda vonne Vesaumlunk es (2Ti 2:20-21). Doawäajen well wie uk wieda soone Frind haben, waut Jehova leewen un ons unjastetten, am to deenen.

KJIKJ DAUT VIDEO WOO EENA SIKJ VON SCHLAJCHTE JESALSCHOFT WAJCHHOOLEN KAUN, UN DAN BEAUNTWUAT DISE FROAGEN:

• Woo kunn daut bat doa komen, daut eena schlajchte Jesalschoft haft?

• Waut holp de dree Christen en daut Video, äare schlajchte Jesalschoft tochtoloten?

• Woone biblische Gruntsauzen kjennen ons halpen, onse Frind weis uttosieekjen?