WUAROM DAUT JEDONEN SAUL: De Menschen motten lieren, waut Jehova haben well, un daut uk nokomen, soo daut dee am kjennen rajcht aunbäden (Jes 2:3-4). Daut “Gott-siene-Leew”-Buak es daut tweede Buak, waut wie met de Menschen studieren. Dit Buak halpt dee to vestonen, woo see no biblische Gruntsauzen läwen kjennen (Heb 5:14). Wie motten vesieekjen, de Menschen soo to lieren, daut dee daut to Hoaten jeit, soo daut dee utem rajchten Senn Sachen en äa Läwen endren wellen (Ree 6:17).

WOO EENA DAUT DOONEN KAUN:

• Moak die fein reed un denkj doaräwa no, waut dänjanjen fält. Stal dän soone Froagen, waut die halpen ruttofinjen, woo deejanja äwa daut denkjt un feelt, waut jie studieren (Spr 20:5; be-X 259)

• Bruck de Kaustes en daut Buak toom dänjanjen wiesen, woo goot daut es, no biblische Gruntsauzen to läwen

• Halp dänjanjen, äwa soont notodenkjen, wua jieda eena no sien Jewessen no entscheiden mott, oba doo nich fa dän entscheiden (Gal 6:5)

• Finj väasechtich rut, aus deejanja Help brukt, om jewesse biblische Gruntsauzen notokomen. Rod dänjanjen leeftolich too, daut dee ut Leew fa Jehova en sien Läwen daut endat, waut doa needich es (Spr 27:11; Joh 14:31)