WUAROM DAUT JEDONEN SAUL: Jehova lat de Sot en soone Menschen äa Hoat waussen, “waut to daut eewje Läwen rajcht enjestalt” sent (Apj 13:48, NW; 1Ko 3:7). Wie schaufen met Jehova toop, wan wie ons em Deenst om soone kjemren, waut doa een Velangen haben, mea to weeten (1Ko 9:26). Dee motten daut vestonen, daut et needich es, sikj deepen to loten, wan eena well jerat woaren (1Pe 3:21, NW). Wie halpen onse Bibelstudiums, Jesus siene Jinja to woaren, wan wie dee lieren, daut see äa Läwen endren, prädjen un aundre lieren sellen un sikj uk Jehova hanjäwen motten (Mat 28:19-20).

WOO EENA DAUT DOONEN KAUN:

• Halp dien Studium denkjen, daut daut Studium doatoo es, daut dee Jehova kjanen lieet un am jefaulen kaun (Joh 17:3)

• Halp dänjanjen, daut to äwakomen, waut am doavon kunn aufhoolen, soo aus schlajchte Jewanheiten ooda Frind, waut veleicht nich sea fein sent. Dan kaun dee em jeisteljen wiedakomen

• Stoakj dänjanjen un spräakj dän Moot too – ea dee sikj deepen lat un uk lota (Apj 14:22)

KJIKJ DAUT VIDEO JEHOVA GOTT WOAT DIE HALPEN UN DAN BEAUNTWUAT DISE FROAGEN:

• Waut kaun eenje doavon aufhoolen, sikj Jehova hantojäwen un sikj deepen to loten?

• Woo kjennen de Eltestasch de Studiums halpen, em jeisteljen wiedatokomen?

• Waut sajcht Jesaja 41:10 ons äwa Jehova?

• Waut fa Ieejenschoften mott wie haben, daut wie Jehova deenen kjennen, wan wie uk nich onen Fäla sent?