WUAROM DAUT JEDONEN SAUL: De Jesaulwde un de aundre Schop loden aule Sorten Menschen en, von “daut Läwenswota emsonst [to] nämen” (Opb 22:17). Dit biltelje Wota stalt aul daut väa, waut Jehova reedjemoakt haft fa de jehuarsome Menschen, om sikj von Sind un Doot to veholen. Daut wie de Menschen halpen kjennen, waut veschiedne Gloowes un Jewanheiten haben, mott wie dee daut “[eewje] Evangelium” opp soone Wajch brinjen, daut eenen jiedren daut aunjenäm es (Opb 14:6).

WOO EENA DAUT DOONEN KAUN:

• Wäl die een Teema un Bibelvarsch, waut de Menschen en dien Jebiet to Hoaten jeit. Du wurscht kjennen de Iedeeen toom prädjen brucken ooda irjentwaut, waut du ea mol hast kunt fein brucken. Woone Teemasch un Bibelvarzh sent bie de Menschen aunjenäm? Haben de Menschen daut schwoa wäajen irjenteene Norecht? Waut wudd eenen Maun ooda eene Fru intressieren?

• Bejreess de Menschen soo, aus daut en dee Jäajent Mood es, wan du met dee rätst (2Ko 6:3-4)

• Sie bekaunt met de Bieekja un Videos, waut wie en ons Jereetschoft fa dän Deenst haben, daut du soone dee wiesen kaust, waut intressieet sent

• Lod die waut opp dee Sproaken rauf, waut de Menschen, dee du en dien Jebiet trafen kust, räden

• Pauss dien Teema doano aun, waut fa dänjanjen, met wäm du rätst, paussent es (1Ko 9:19-23). Biejlikj, waut wurscht du sajen, wan du enwortst, daut bie dänjanjen korz wäa jestorwen wia?

KJIKJ DAUT VIDEO, UN DAN BEAUNTWUAT DISE FROAGEN:

• Met waut fa een Teema funk de Vekjindja aun, met dän Huswieet to räden?

• Waut jinkj en dän Huswieet sien Läwen aun?

• Woont von dee Bibelvarzh wia de basta fa daut Mol, un wuarom?

• Woo paust du daut, waut du biem prädjen sajchst, soo aun, daut de Menschen en dien Jebiet daut intressieet?