De Utschluss beschizt de Vesaumlunk un wiest dänjanjen trajcht, waut orrajchtet deit un nich omkjieet (1Ko 5:6, 11). Wan wie daut unjastetten, wan Jehova opp soone Wajch wäm trajchtwiest, dan wies wie Leew. Oba woo kaun daut sennen, wan de Utschluss fa aul de Betrofne un mau rajcht fa daut Rechtkommitee väl Weedoag brinjt?

Wie wiesen besonda, daut wie Jehova leewen, wan wie sienen gooden Nomen huachhoolen un daut fa heilich talen, waut hee fa heilich talt (1Pe 1:14-16). Un wie wiesen uk Leew fa dän Utjeschlotnen. Wan daut uk wee deit, sea trajchtjewäsen to woaren, kaun daut oba “eene scheene Arnt von . . . Jerajchtichkjeit” brinjen (Heb 12:5-6, 11). Wan wie met eenen Utjeschlotnen ooda eenen, waut Jehova siene Organisazion veloten haft, waut to doonen haben, dan kaun Jehova siene Strof nich soo väl aun dän doonen. Denkj doaraun, Jehova deit bloos soo väl “strofen aus rajcht es” (Jer 30:11). Wie hopen, daut de Utjeschlotna woat trigjkomen no onsen boarmherzjen Voda. Oba en de Tiet, wua wie luaren, unjastett wie Jehova siene Trajchtwiesunk un doonen aules, waut wie kjennen, om goode Frind met Jehova to bliewen (Jes 1:16-18; 55:7).

KJIKJ DAUT VIDEO MET ONS GAUNZET HOAT TRU BLIEWEN, UN DAN BEAUNTWUAT DISE FROAGEN:

• Waut fa Weedoag späaren christelje Elren, wan äa Kjint Jehova velat?

• Woo kaun de Vesaumlunk soone unjastetten, dee enne Famielje tru bliewen?

• Woone Jeschicht enne Schreft wiest, daut daut wichtja es, Jehova tru to bliewen aus de Famielje?

• Woo kjenn wie Jehova ver de Famielje stalen em tru sennen?