Jesus säd: “Jie haben daut emsonst jekjräajen, jäft daut uk emsonst wieda” (Mat 10:8). Wiels wie ons aun disen Rot hoolen, näm wie doa nich betolt fäa, wan wie wäm eene Bibel ooda biblische Bieekja jäwen (2Ko 2:17). Oba en de Bieekja sent doawäajen sea wieetvolle Lieren von de Schreft. Daut haft väl opp sikj un kjemt dia, Bieekja to drekjen un dee no de Vesaumlungen oppe gaunze Welt to schekjen. Doawäajen well wie ons bloos soo väl Bieekja metnämen, aus wie brucken.

Denkj goot doaräwa no, wäm du Bieekja jefst, uk wan du wua effentlich prädjen deist (Mat 7:6). Enne Städ jieda eenem een Buak to jäwen, waut doa vebiekjemt, proow met dänjanjen to räden toom seenen, aus dee werkjlich intressieet es. Kaust du oppet weinichste eene Froag met “Jo” beauntwuaten, waut en dän Kausten von disen Artikjel es? Wan du nich krakjt weetst, aus dee werkjlich intressieet es, dan jeff dän leewa bloos een Zeichnisblaut. Oba wan deejanja no eene Tietschreft frajcht ooda no een aundret Buak, dan jäw wie dän wellich eent (Spr 3:27-28).