Aus Jesus oppe Ieed wia, muak hee dietlich, daut daut Jeboot “Voda un Mutta to ieren” sea wichtich wia (2Mo 20:12; Mat 15:4). Jesus kunn gaunz sondasorj doavon räden, wiels “hee jehorcht” siene Elren uk emma (Luk 2:51). Un aus hee groot wia, sach hee doano, daut se no sienen Doot wudden fa siene Mutta sorjen (Joh 19:26-27).

Vondoag dän Dach kjennen de junge Menschen äare Elren uk ieren, wan dee jehuarsom sent un met Respakjt to dee räden. En Werkjlichkjeit mott wie de Elren emma ieren. Wan dee ieescht ella sent, dan kjenn wie dee doaderch ieren, daut wie von dee äare Weisheit lieren (Spr 23:22). Wie ieren onse Elren uk, wan wie fa dee em tieteljen oppkomen ooda uk doano seenen, woo dee daut ennalich jeit (1Ti 5:8). Met de Elren eene goode Unjahoolunk to haben, es eene besondre Wajch, woo wie dee ieren kjennen – aus wie nu junk sent ooda uk aul ella.

KJIKJ DAUT WAUNTTOFEL-VIDEO WOO KAUN EKJ TO MIENE ELREN RÄDEN?, UN DAN BEAUNTWUAT DISE FROAGEN:

• Wuarom kunn daut fa die schwoa sennen, met de Elren to räden?

• Woo kaust du diene Elren ieren, wan du met dee rätst?

• Wuarom loont sikj daut, met de Elren to räden? (Spr 15:22)