WUAROM DAUT JEDONEN SAUL: Spricha 20:5 sajcht: “Jedanken en eenen Maun sien Hoat sent soo aus en deepet Wota”. De Froagen sent soo aus een Ama toom dee doa ruttrakjen. Froagen halpen, daut et eene Unjahoolunk jeft un daut doa nich bloos eena rät. Derch goode Froagen kaun eena rutfinjen, woo deejanja denkjt. Jesus wist, woo hee Froagen goot brucken kunn. Woo kjenn wie am nodoonen?

WOO EENA DAUT DOONEN KAUN:

• Rutfinjen, woo deejanja denkjt. Jesus stald miere Froagen, om ruttofinjen, woo siene Jinja dochten (Mat 16:13-16; be-X 238 V. 3-5). Met waut vonne Froagen kaust du rutfinjen, woo deejanja denkjt?

• Dänjanjen met Froagen halpen to vestonen. Aus Petrus eene Sach nich rajcht vestunt, stald Jesus am Froagen un holp am uk de rajchte Auntwuat to finjen (Mat 17:24-26). Waut vonne Froagen kaust du brucken, soo daut deejanja daut rajchte vestonen kaun?

• Dänjanjen lowen. Aus een Schreftjelieeda “eene jescheide Auntwuat jeef”, lowd Jesus dän doafäa (Mar 12:34). Woo kaust du wäm lowen, wan dee die eene Auntwuat jeft?

KJIKJ DAUT IEESCHTE POAT VON DAUT VIDEO DAUT DOONEN, WAUT JESUS DEED – LIEREN, UN DAN BEAUNTWUAT DISE FROAGEN:

• Wuarom es daut sea prost, soo aus dee lieed, wan daut äwajens uk rajcht wia, waut dee lieed?

• Wuarom mott wie mea doonen, aus bloos aules utlajen?

KJIKJ DAUT TWEEDE POAT VON DAUT VIDEO, UN DAN BEAUNTWUAT DISE FROAGEN:

• Woo deed de Brooda de Froagen goot brucken?

• Waut kjenn wie noch doavon lieren, soo aus dee daut deed?