Stal die väa, du wonst en Galiläa en Jesus siene Tiet. Du best no Jerusalem jereist, om daut Loofboodenfast to fieren. De Staut es stiew voll Menschen, waut von wiet un breet doa hanjekomen sent, om Jehova auntobäden. Nu best du doa met diene Kos un jeist doa mank de Häad Menschen oppem Wajch nom Tempel. Wan du doa ieescht aunkjemst, dan es daut doa voll Menschen, waut uk aula een Opfa brinjen wellen. Entlich es daut mol bat doa, daut du dän Priesta diene Kos jäwen kaust. Dan felt die bie, daut dien Brooda waut jäajen die haft, waut doa veleicht manke Menschen wua es ooda doa enne Staut. Jesus säd, waut du nu wurscht sellen doonen (läs Matäus 5:24). No Jesus siene Wieed no, woo kjennen du un dien Brooda no Fräd trachten, wan jie junt oneenich sent? Tieekjen daut en jieda List, woont doa rajcht es.

DU SAUST . . .

• mau dan no dienen Brooda gonen un met dän räden, wan du jleefst, daut dee werkjlich Uasoak haft, beleidicht to sennen

• proowen dienen Brooda omtodenkjen, wan du jleefst, daut dee väl to neiw es, ooda du saust dän daut väahoolen, daut hee uk nich oschuldich es

• dienen Brooda jeduldich toohorchen un dän om togoodhoolen froagen, wan du daut uk nich met fliet jedonen hast ooda uk nich vestonen kaust, wuarom dee waut jäajen die haft

DIEN BROODA SAUL . . .

• aundre enne Vesaumlunk no Help froagen un dee daut vetalen, waut du orrajcht jedonen hast

• die beschuljen un die aules väaschmieten, waut du jedonen hast un velangen, daut du diene Schult toosteist

• doaräwa nodenkjen, daut die daut nich soo leicht wia, no am to komen, un dee saul die daut von Hoaten vejäwen

Vondoag dän Dach derw wie nich mea Tieren opfren. Oba no daut no, waut Jesus säd, waut haft ons Deenst fa Gott doamet to doonen, woo wie ons met onse Breeda stonen?