Best du een junga ojjedeepta Vekjindja ooda studieescht du de Bibel? Hast du die aul väajenomen die deepen to loten? Un wuarom wudd daut goot sennen? Doaderch, daut du die Jehova hanjefst un die deepen latst, kjrichst du een besondret Veheltnis met Jehova (Ps 91:1). Un daut brinjt die uk de Radunk (1Pe 3:20-21). Waut motst du doonen, om bat doa to komen?

Finj daut selfst ut, aus daut de Woarheit es. Wan bie die Froagen oppkomen, dan sieekj en onse Bieekja no de Auntwuaten (Ree 12:2). Kjikj, aus du noch waut endren motst, un dan enda daut ut Leew fa Jehova (Spr 27:11; Ef 4:23-24). Bäd Jehova emma wada om Help. Du kaust die doaropp veloten, daut Jehova die dän heiljen Jeist jäwen woat un die stoakjen (1Pe 5:10-11). Daut loont sikj werkjlich, daut du dien bastet jefst, wiels Jehova to deenen es daut baste, waut du doonen kaust! (Ps 16:11).

KJIKJ DAUT VIDEO WAUT AN BAT DOA BROCHT, SIKJ DEEPEN TO LOTEN, UN DAN BEAUNTWUAT DISE FROAGEN:

• Waut fa Schwierichkjeiten musten eenje äwakomen, daut dee sikj kunnen deepen loten?

• Woo kaust du soonen stoakjen Gloowen kjrieen, daut du die kaust Jehova hanjäwen?

• Waut haft eenje bat doa jebrocht, daut to doonen, waut needich wia, daut see sikj kunnen deepen loten?

• Woo woaren dee jesäajent, waut sikj wälen Jehova to deenen?

• Waut bediet daut, sikj hanjäwen un deepen loten?