Fa Jehova es daut Ehevespräakjen eene sea iernste Sach un hee sajcht, daut de Ehemaun un de Ehefru emma faust vebungen bliewen sellen (Mat 19:5-6). En Gott sien Volkj jeft daut sea väl väabiltelje befriede Menschen. Oba daut jeft kjeenen volkomnen Ehestaunt un doa woaren Trubbels oppkomen. Väle denkjen, daut uteneengonen ooda Scheedunk de Leesunk es fa de Trubbels. Oba wie sellen kjeenmol soo denkjen. Woo kjennen befriede Christen dan äare Ehe beschitzen?

See wie mol fief wichtje Sachen.

1. Beschitz dien Hoat doaderch, daut du nich schmeichelst ooda schlajchten Tietvedrief hast, waut diene Ehe bloos schwak moakt (Mat 5:28; 2Pe 2:14).

2. Woa een jratra Frint met Gott un schauf doaropp, daut hee eenen Jefaulen aun june Ehe haft (Ps 97:10).

3. Trakj die wieda de niee Perseenlichkjeit aun un doo kjliene Sachen fa dienen Ehepoatna, waut leeftolich sent un dän daut Läwen een bät leichta moaken (Kol 3:8-10, 12-14).

4. Rät gaunz op unjarenaunda un blieft respakjtvoll (Kol 4:6).

5. Wies dienen Poatna, daut du am leefst un väl räakjenst, wan jie jeschlajchtlich toopkomen (1Ko 7:3-4; 10:24).

Wan Christen äare Ehe en Ieren hoolen, dan ieren dee uk Jehova, dee de Ehe enjerecht haft.

KJIKJ DAUT VIDEO WIE MOTTEN “AUNHOOLENT RANEN” – ONS BIEM REES AUNE RÄAJLEN HOOLEN, UN DAN BEAUNTWUAT DISE FROAGEN:

• Wan eene Ehe uk goot aunfangt, waut vonne Schwierichkjeiten kjennen doa oba oppkomen?

• Woo kjennen de biblische Gruntsauzen soone halpen, waut doa denkjen, daut see eene Ehe haben onen Leew?

• Waut vonne Jesazen haben de Befriede von Jehova jekjräajen?

• Waut motten beid doonen, daut daut en de Ehe fein schauft?