Waut sent diene Sorjen jieda Dach? Best du een Famieljenhaupt un motst väl em dreien hoolen? Ooda trakjst du diene Kjinja auleen opp un motst doano seenen, daut daut Jelt toorieekjt? Ooda jeist du noch no School un diene Schoolpoatna spotten äwa die? Ooda best du veleicht aul ella un hast met de Jesuntheit to kjamfen? Wie aula haben Sorjen, un väle von ons motten soogoa met veschiedne Sorjen tojlikj foadich woaren. Un doch kjenn wie ons secha sennen, daut wie boolt woaren frie sennen von aul daut schwoare (2Ko 4:16-18).

Waut kaun ons nu aul Troost jäwen? Jehova vesteit, waut fa Trubbels wie haben, un hee schazt daut sea, daut wie am tru sent un uthoolen, un hee woat ons sea säajnen doafäa (Jer 29:11-12). Jesus es uk sea om ons bekjemmat. Soolang aus wie daut nokomen, waut von Christen velangt es, kjenn wie ons opp Jesus siene Wieed veloten: “Ekj sie emma bie junt” (Mat 28:20). Wan wie doaräwa nodenkjen, daut wie boolt derch daut Kjennichrikj friekomen, woat onse Hopninj stoakja un wie woaren ons eenich sennen, en Schwierichkjeiten nich opptojäwen (Ree 8:19-21).

KJIKJ DAUT VIDEO HOOLT JESUS EM UAG, WAN DE STORM KJEMT! – DE SÄAJEN, WAUT DAUT KJENNICHRIKJ BRINJEN WOAT, UN DAN BEAUNTWUAT DISE FROAGEN:

• Woo kjeem de Menschheit von Gott auf, un woo kjeem daut ut?

• Opp waut kjennen dee hopen, waut Jehova tru bliewen?

• Derch waut es dise wundascheene Hopninj mäajlich?

• To waut fa scheenet freist du die en de niee Welt?