En dise Welt woat daut foaken soo hanjestalt, daut daut goode schlajcht es un daut schlajchte goot (Jes 5:20). Daut es schod, daut eenje Menschen soont doonen, waut Jehova haust. Biejlikj daut Mana sikj fa Mana intressieren ooda Frues fa Frues. Junge Menschen woaren foaken unja Druck jesat, soon schlajchtet von äare Schoolpoatna ooda aundre notodoonen. Woo kjenn jie june Kjinja doaropp reedmoaken, met soone Proowen foadich to woaren?

Lieet june Kjinja daut, waut Jehova fa rajcht talt (3Mo 18:3). Wiest dee eent no daut aundre, waut de Schreft äwa Sex sajcht. Waut jie dee krakjt lieren, recht sikj doano, woo oolt dee sent un woo väl dee vestonen kjennen (5Mo 6:7). Äwalajcht mol: “Hab wie onse Kjinja daut jelieet, aundre opp soone Wajch Leew to wiesen, daut et aunstendich es? Un weeten onse Kjinja, woo wichtich daut es, sikj natieedlich auntotrakjen? Un weeten dee uk, daut aundre sellen äaren Kjarpa tochloten? Un daut nich irjentwäa daut Rajcht haft, om äare perseenelje Sachen omtoweeten? Wudden onse Kjinja weeten, waut dee doonen sullen, wan doa wäa proowd an schwiensche Bilda to wiesen ooda an fruach, waut to doonen, waut Jehova nich jleicht?” Je mea de Kjinja weeten, je leichta es dee daut, daut schlajchte utem Stich to gonen (Spr 27:12; Lie 7:12). June Kjinja sent een Jeschenkj von Jehova. Un wan jie dee fein belieren, wies jie, woo väl jie dit Jeschenkj räakjnen (Ps 127:3).

KJIKJ DAUT VIDEO BUT EEN HUS, WAUT BLIEWEN WOAT – BEWOAT JUNE KJINJA VON “DAUT SCHLAJCHTE”, UN DAN BEAUNTWUAT DISE FROAGEN:

• Wuarom hoolen eenje sikj doavon trigj, met äare Kjinja äwa Sex to räden?

• Wuarom motten de Elren de Kjinja belieren un dee em christeljen Senn opptrakjen? (Ef 6:4).

• Waut haft Jehova siene Organisazion de Elren fa eene Help jejäft, daut dee äare Kjinja waut äwa daut Jeschlajchtsläwen lieren kjennen? (w19.05 12, Kausten).

• Wuarom sull jie räajelmässich met june Kjinja räden, ea doa Trubbels oppkomen?