Krakjt soo aus Jehova de Israeliten organisieed, deit hee ons vondoag dän Dach uk oppe gaunze Welt, om sienen Wellen derchtofieren. Aus daut nu em Betel es ooda em Kjreis ooda en Vesaumlungen ooda bie Deenstgruppen, aules deent doatoo, de goode Norecht to vebreeden. Endoont opp waut vonne Sproak – wie prädjen aulem (Opb 14:6-7).

Hast du mol äwa jedocht, eene aundre Sproak to lieren, om wäm to halpen en de Woarheit nentokomen? Veleicht jo. Waut oba, wan du nich soo väl Tiet doafäa hast? Hast du dan mol jeprooft, met de JW Language-App eene korte Enleidunk to lieren? Wan du dee mol brukst, kaust du leicht deeselwje Freid haben em Deenst, waut onse Breeda en de Aposteltiet hauden. Don wieren väl Menschen von aundre Lenda vewundat doaräwa, aus see opp äare Sproak “von Gott siene groote Wundawoakjen” hieeden (Apj 2:7-11).

KJIKJ DAUT VIDEO SIE JEHOVA SIEN FRINT – OPP EENE AUNDRE SPROAK PRÄDJEN, UN DAN BEAUNTWUAT DISE FROAGEN:

• Wanea wudd wie kjennen de JW Language-App brucken?

• Waut es eenjet, waut wie met dee doonen kjennen?

• Woone Sproaken räden de Menschen en june Jäajent?

• Waut wurscht du kjennen doonen, wan wäa aun de goode Norecht intressieet es, oba eene aundre Sproak rät? (od-X 100-101 V. 39-41).