Samuel wia Jehova sien gaunzet Läwen tru. Eli siene Säns Hofni un Pinhas wieren sea schlajcht, oba de kjliena Samuel wia nich soo (1Sa 2:22-26). Samuel woss opp un Jehova wia emma met am (1Sa 3:19). Mau rajcht aus hee aul oolt wia, wia hee Jehova noch emma tru, wan siene Säns uk nich wieren (1Sa 8:1-5).

Waut kjenn wie von Samuel lieren? Wan du noch junk best, kaust du die secha sennen, daut Jehova krakjt vesteit, waut vonne Schwierichkjeiten du hast un woo du die feelst. Hee kaun die halpen Moot to haben (Jes 41:10, 13). Wan du een Voda ooda Mutta best un jun Kjint Jehova nich mea deent, dan denkj doaraun, daut Samuel siene groote Junges nich bemotten kunn, Jehova siene Jesazen to jehorchen. Samuel leet de Sach en Jehova siene Henj un strenjd sikj aun, daut hee Jehova tru bleef un dän jefoll. Jun goodet Biespel kaun jun Kjint halpen, trigj no Jehova to komen.

KJIKJ DAUT VIDEO LIA VON DEE – SAMUEL, UN DAN BEAUNTWUAT DISE FROAGEN:

• Woo wees de kjliena Samuel, daut hee äwanäment wia?

• Woo wees Danny, daut hee äwanäment wia?

• Waut kjenn wie von dän elren Samuel lieren?

• Waut kjenn wie von Danny siene Elren lieren?