Daut de Bibelschiela Frind woaren kjennen met Jehova, motten dee goode Jesalschoft haben (Ps 15:1, 4). Daut woat dee halpen, daut rajchte to doonen (Spr 13:20; lff 48. Kap.).

Hab Vestentnis, wan du diene Bibelschiela lieescht schlajchte Jesalschoft tochtoloten. Veleicht felt dee daut schwoa, nich mea met äare väaje Frind toop to sennen. Doawäajen wies, daut du uk aun aundre Doag aun dee intressieet best un nich bloos dan, wan du met dee studieescht. Du wurscht dee kjennen een bät waut schriewen ooda fonen ooda doa een bät hanfoaren. Wan diene Bibelschiela em jeisteljen veraunkomen, dan wurscht du dee uk kjennen hankroagen, wan du met aundre von de Vesaumlunk toop best. Dan woaren dee seenen, daut dee väl mea kjrieen, aus dee velieren (Mar 10:29-30). Du woascht uk Freid haben, wan du sitst, woo Jehova siene Famielje jrata woat.

KJIKJ DAUT VIDEO HALP DIENE BIBELSCHIELA, DAUT DEE NICH SCHLAJCHTE JESALSCHOFT HABEN, UN DAN BEAUNTWUAT DISE FROAGEN:

• Waut es schlajchte Jesalschoft? (1Ko 15:33).

• Woo stald Jade sikj daut väa, wan Jehova siene Zeijen toop wieren toom Scheengonen haben?

• Woo holp Neeta Jade schlajchte Jesalschoft tochtoloten?