Gott sien Wuat kaun Läwes endren (Heb 4:12). Oba daut ons aul dis Rot von de Schreft togood komen kaun, mott wie ons secha sennen, daut et werkjlich “Gott sien Wuat” es (1Tess 2:13). Woo kjenn wie noch fausta aun Gott sien Wuat jleewen?

Läs jieda Dach een Enjskje en de Bibel. Kjikj no soont, waut die halpt to seenen, daut dee von Jehova kjemt. Du wurscht biejlikj kjennen äwa dän Rot en Spricha nodenkjen un woo paussent dise Weisheit fa jieda Dach es (Spr 13:20; 14:30).

Studia jewesse Teemasch. Unjasto die dän Bewies, daut de Schreft werkjlich von Gott kjemt. Du kaust die em Studienleitfaden für Jehovas Zeugen bie “Bibel”, un dan “Von Gott inspiriert” mea noläsen. Du kaust uk noch fausta doaraun jleewen, daut de Bibel sikj nich veendat haft, wan du dän Artikjel “Woo haft de Bibel bat nu kunt bestonen?” em Woat waka! von Nowamba 2007 studieescht.

KJIKJ DAUT VIDEO WUAROM JLEEW WIE . . . AUN GOTT SIEN WUAT?, UN DAN BEAUNTWUAT DISE FROAGEN:

• Woo bewiest daut, waut se aun de Tempel-Waunt en Karnak, Ägipten, fungen, daut en de Schreft de Woarheit steit?

  Diene Auntwuat

• Woo weet wie, daut sikj daut, waut en de Bibel steit, noch kjeenmol jeendat haft?

  Diene Auntwuat

• Wan du doaraun denkjst, daut daut de Bibel noch emma jeft, wuarom es daut fa die een Bewies, daut dee von Gott kjemt? (Läs Jesaja 40:8.)

  Diene Auntwuat