Wuarom sikj reedmoaken? Daut kaun haustich un onverhofs komen, daut wie em Hospitol nennkomen ooda daut ons eene drinjende Doktarie fält. Doawäajen doo aules, waut du kaust, om die aul reedtomoaken, ea een Nootfaul kjemt, daut du de baste Doktarie kjrieen kaust, waut dan mäajlich es. Wan du daut deist, dan wiest du, daut du daut Läwen achst un die aun Jehova sien Jesaz von daut Bloot helst (Apj 15:28-29).

Woo kaust du die reedmoaken?

• Bäd un nemm die fein Tiet, dän Boagen fa Nootfaul un Doktarie (DPA) uttofellen.* Von dän Bieekjadeena kjrieen jedeepte Vekjindja dän DPA-Boagen fa sikj, un fa äare Kjinja, waut noch nich voljoarich sent, de Identity Card/Tarjeta de identidad (ic).

• Wan du schwanga best, dan froag de Eltestasch von diene Vesaumlunk no dän Boagen Hanwies fa schwangre Frues (S-401). Dis Boagen woat die halpen, goode Entscheidungen to moaken fa soone Doktarieen, waut doa veleicht en dee Tiet oppkomen kunnen, wan du schwanga best un uk bie de Jeburt.

• Wan die eene Doktarie fält ooda du em Hospitol bliewen motst, dan lot de Eltestasch von diene Vesaumlunk daut em verut weeten. Un lot uk dee em Hospitol daut weeten, daut du daut wurscht väl räakjnen, wan see daut leeten, daut die wäa von Jehova siene Zeijen besieekjen kjeem.

Woo kjennen de Eltestasch halpen? Dee kjennen die halpen, dienen Boagen fa Nootfaul un Doktarie (DPA) uttofellen. a Oba dee woaren nuscht fa die entscheiden un uk nich doaräwa räden, woo see äwa soone Sachen denkjen, waut jieda eena selfst entscheiden mott (Ree 14:12; Gal 6:5). Wan du de Eltestasch weeten latst, daut du eene Doktarie derchgonen motst, wua de Doktasch die veleicht wudden wellen Bloot enlakjen, dan woaren dee fa die fuaz met daut Hospitol-Vemedlungs-Kommitee räden.

Woo kaun daut Hospitol-Vemedlungs-Kommitee halpen? Dise Breeda haben daut jelieet, aundre daut uttolajen, woo wie wäajen de Schreft äwa daut Bloot denkjen. Dee kjennen dan met soone Menschen räden, waut en Hospitols schaufen, met Doktasch ooda met soone, waut met Jesazessachen schaufen. De Breeda von daut Kommitee kjennen dan met diene Veträda toop, waut du opp dienen Boagen fa Nootfaul un Doktarie aunjejäft hast, doano seenen, daut du de baste Doktarie onen Bloot kjrichst. Wan daut fält, dan kjennen dise Breeda die uk halpen, eenen Dokta to finjen, waut daut vestonen kaun, woo du äwa Bloot denkjst.

KJIKJ DAUT VIDEO DOKTARIEEN UN BLOOT – WOO KAUST DU GOODE ENTSCHEIDUNGEN TRAFEN?, UN DAN BEAUNTWUAT DISE FROAG:

• Woo halpt die dit Video, bäta reed to sennen, wan se die bie eene drinjende Doktarie Bloot enlakjen wellen?

  Diene Auntwuat