Wie beläwen nu en de latste Doag väl schwoaret. Veleicht denkj wie eenjemol, daut daut eefach too väl es. Oba wan wie wieda dicht bie Jehova bliewen, woat hee ons halpen, met de schwanste Schwierichkjeiten foadich to woaren (Jes 43:2, 4). Oba woo kjenn wie Jehova noda komen, wan wie soo väl Schwierichkjeiten haben?

Jebäd. Wan wie ons to Jehova utschedden, jeft hee ons ennalichen Fräd un Krauft toom uthoolen (Flp 4:6-7; 1Tess 5:17).

Toopkomes. Wie brucken daut jeistelje Äten, waut wie enne Toopkomes kjrieen, nu soo needich aus noch kjeenmol ea. Ons fält daut uk sea needich, daut wie toop sent (Heb 10:24-25). Wan wie ons fa de Toopkomes reedmoaken un dan uk doa sent un metmoaken, dan woat Jehova sien Jeist ons daut mieeschte halpen (Opb 2:29).

Prädichtdeenst. Wan wie drock em Deenst sent, dan woat daut fa ons leichta sennen, no daut goode to kjikjen. Wie woaren dan jratre Frind woaren met Jehova un uk met onse Breeda (1Ko 3:5-10).

KJIKJ DAUT VIDEO JEHOVA WOAT MIE AUNNÄMEN, UN DAN BEAUNTWUAT DISE FROAGEN:

• Waut holp Malu, en schwoare Tieden dicht bie Jehova to bliewen?

  Diene Auntwuat

• Woo kjennen ons de Wieed en Psalm 34:19 krakjt soo väl Moot jäwen aus Malu, wan wie schwoaret beläwen?

  Diene Auntwuat

• Woo wiest daut, waut Malu beläwd, daut Jehova ons “butajeweenelje Krauft” jeft, wan wie schwoaret derchmoaken? (2Ko 4:7, NW).

  Diene Auntwuat