Toom Pionia sennen mott eena goot plonen. Wan eena plont, jieda Wäakj 18 Stund to prädjen, dan kaun eena Pionia sennen un noch een poa Wäakj frie haben. Met disen Plon schauft daut uk dan noch, wan doa mol waut mank kjemt, biejlikj wäajen de Jesuntheit ooda daut Wada. En de List hia sent Iedeeen fa Vekjindja, waut een poa Doag de Wäakj schaufen, waut de Wäakj äwa schaufen ooda fa soone, waut nich soo goot auf sent ooda nich soo väl Krauft haben. Veleicht kunn jie junt daut soo enrechten, daut wäa von junt em Septamba met dän Pioniadeenst aunfangen kunn. Wudd daut nich goot sennen, bie jun näakjstet Famieljenstudium doavon to räden?