Jehova holp de Oame ieeschtemma en Israel. Woo halpt hee de Oame vondoag dän Dach mank siene Deena?

• Hee haft dee jelieet, rajcht äwa Jelt to denkjen (Luk 12:15; 1Ti 6:6-8).

• Hee haft dee jeholpen, daut dee sikj selfst waut wieet feelen (Hi 34:19).

• Hee haft dee jelieet, flietich to schaufen un schlajchte Jewanheiten tochtoloten (Spr 14:23; 20:1; 2Ko 7:1).

• Hee haft dee leeftolje Gloowesbreeda jejäft (Joh 13:35; 1Jo 3:17-18).

• Hee jeft dee eene Hopninj (Ps 9:19; Jes 65:21-23).

Wie brucken ons nich sorjen, endoont en waut fa eene schwoare Loag wie sent (Jes 30:15). Jehova woat em tieteljen emma fa ons sorjen, wan wie daut ieeschte no sien Kjennichrikj sieekjen (Mat 6:31-33).

KJIKJ DAUT VIDEO LEEW HAFT KJEEN ENJ, WAN EENA UK . . . OAM ES (KONGO), UN DAN BEAUNTWUAT DISE FROAGEN:

• Woo haben de Breeda, waut dicht bie dän Kongress wonen, dee Breeda leeftolich oppjenomen, waut von wiet auf doa hankomen musten?

• Woo wiest dit Video, daut Jehova de Oame leeft?

• Woo kjenn wie Jehova nodoonen, endoont woo väl wie em tieteljen haben?