De Breeda denkjen doa sea äwa no, wan see de Iedeeen toom prädjen reedmoaken, un daut haft aul sea väl Vekjindja jeholpen, en äaren Deenst bäta to woaren. Oba wäajen de Omstend oppe gaunze Welt veschieden sent, kjennen de Vekjindja sikj daut en äaren Deenst aunpaussen. Biejlikj wudden dee aundasch aunfangen kjennen ooda äwa soon Teema räden, aus de Menschen doa intressieet. Oba wan daut om daut besondre prädjen jeit, dan sell wie de Aunwiesungen nokomen. Wie wellen Jesus sien Jeboot nokomen un daut es, daut wie de goode Norecht von daut Kjennichrikj bekaunt moaken (Mat 24:14).

Wan eena eene Schooloppgow haft, dan saul dee sikj opp daut Teema von de Iedee toom prädjen stetten, waut en daut Schoolheft fa Läwen un Deenst es. Wan doa nich waut aundret aunjejäft es, dan kaun de Schiela sikj soont utsieekjen, waut fa daut Jebiet paussent es – biejlikj eene aundre Froag, eenen aundren Bibelvarsch, eene aundre Froag fa daut näakjste Mol ooda aundre Omstend. Dit es nu aundasch, aus de Aunwiesunk wia en daut Schoolheft vom Juni 2020, Sied 8.