Enne Schreft jeft daut väl Biespels von Jebäda, waut Jehova beauntwuaten deed. Wan Gott siene Deena sagen, woo Jehova doano horcht un an holp, wan see am äare Sorjen vetalden, wort äa Gloowen secha jestoakjt. Doawäajen es daut goot, wan wie Jehova en onse Jebäda aules krakjt sajen, un dan doano kjikjen, woo hee dee beauntwuaten woat. Oba hoolt em Denkj, daut Jehova daut veleicht aundasch beauntwuat, aus wie wudden jedocht haben (2Ko 12:7-9; Ef 3:20). Woo deit Jehova onse Jebäda veleicht beauntwuaten?

• Troost un Help em kjarpalichen ooda em jeisteljen, om met Trubbels foadich to woaren (Flp 4:13, NW).

• Weisheit, om ons rajcht to entscheiden (Jak 1:5).

• Dän Wensch un de Krauft toom waut doonen (Flp 2:13).

• Ruich bliewen, wan wie Angst haben (Flp 4:6-7).

• Troost un Help von aundre (1Jo 3:17-18).

• Help fa soone, fa dee wie bäden (Apj 12:5, 11).

KJIKJ DAUT VIDEO JEHOVA ES DEE, WAUT ONSE JEBÄDA HIEET UN DAN BEAUNTWUAT DISE FROAGEN:

• Woo kaun ons Brooda Shimizu sien Biespel Moot jäwen, wan wie wäajen onse Jesuntheit nich soo väl doonen kjennen?

• Woo kjenn wie Brooda Shimizu sien Biespel nodoonen?