Jehova well haben, daut aule enne Famielje sellen schaftich sennen (Ps 127:3-5; Lie 9:9; 11:9). Oba daut es nich emma leicht, wäajen dän Druck von dise Welt un wäajen jieda eena enne Famielje Fäla moakt. Waut kaun jieda eena doatoo doonen, daut doa Freid enne Famielje es?

De Ehemaun jeit veninftich met siene Fru om (1Pe 3:7). Hee nemt sikj Tiet fa ar. Hee velangt nich too väl von ar un es dankboa fa aules, waut see fa am un de Famielje deit (Kol 3:15). Hee wiest ar siene Leew un loft ar (Spr 31:28, 31).

De Ehefru sitt doano, woo see äaren Maun unjastetten kaun (Spr 31:12). See es am unjadon un schauft met am toop (Kol 3:18). See rät leeftolich to am un rät uk to aundre goot von am (Spr 31:26).

De Elren nämen sikj Tiet fa äare Kjinja (5Mo 6:6-7). Dee sajen äare Kjinja uk, daut see an leewen (Mat 3:17). Wan dee dee trajchtwiesen motten, doonen dee daut met Leew un sent derchjedocht (Ef 6:4).

De Kjinja achten äare Elren un jehorchen an (Spr 23:22). Dee sajen äare Elren, woo an daut jeit un woo see sikj feelen. Dee nämen daut aun, wan äare Elren an trajchtwiesen un wiesen an Respakjt (Spr 19:20).

KJIKJ DAUT VIDEO KJIKJT DOANO, DAUT DOA FREID EN JUNE FAMIELJE ES, UN DAN BEAUNTWUAT DISE FROAG:

Waut deed jieda eena en de Famielje, daut dee Freid hauden?