Videos kjennen de Menschen sea to Hoaten gonen, wiels daut, waut doa äwakjemt, to seenen un uk to hieren es. Daut halpt de Menschen, daut dee äaren Kopp doabie haben un daut em Denkj hoolen kjennen. Jehova es daut baste Väabilt doarenn, woo eena wäm doaderch lieren kaun, daut eena dän waut wiest (Apj 10:9-16; Opb 1:1, NW).

De Videos Haft Gott eenen Nomen?, Von wäm kjemt de Schreft? un Wuarom kaun eena daut jleewen, waut de Schreft sajcht? sent eene goode Help, wan eena met wäm daut 2. un 3. Poat von daut Goode-Norecht-Heft derchjeit. En de Videos Wuarom loont sikj daut, de Bibel studieren?, Woo schauft een Bibelstudium met Jehova siene Zeijen? un Woo es daut en de Vesaumlungshiesa von Jehova siene Zeijen? woat de Menschen toojerot, met ons de Bibel to studieren ooda no onse Toopkomes to komen. Wie haben uk Films un eenje von dee kaun eena uk brucken toom deejanje lieren, waut aul de Bibel studieren (km-X 5/13 3).

• Lod die daut Video aul em verut rauf, waut du de Persoon wiesen west

• Moak die eent ooda twee Froagen reed, waut en daut Video beauntwuat woaren

• Kjikjt daut Video toop

• Räd met dänjanjen äwa de Hauptsachen von daut Video

• Wies de hinjaschte Sied von een Zeichnisblaut un saj, daut eena met dän QR-Code no daut Video kjemt Wuarom loont sikj daut, de Bibel studieren?

• Wies daut Video Wuarom kaun eena daut jleewen, waut de Schreft sajcht? un beed daut Goode-Norecht-Heft aun; räd äwa daut 3. Poat