WUAROM DAUT JEDONEN SAUL: Fa ons perseenlich Gott sien Wuat to studieren, halpt ons, daut wie “bejriepen kjennen, woo lank un breet, woo huach un deep” de Woarheit es (Ef 3:18). Daut halpt ons uk, mank eene vedorwne un vedreide Menschheit rein un schultfrie to bliewen un ons faust “aun daut läwenbrinjende Wuat” to hoolen (Flp 2:15-16). Biem perseenlich Gott sien Wuat studieren kaun eena sikj soont utläsen, aun waut eenem daut selfst fält. Woo kjenn wie dee Tiet, wua wie de Schreft läsen un studieren, daut baste brucken?

WOO EENA DAUT DOONEN KAUN:

• Tieekjen die de Varzh met Kalieren en diene ieejne Bibel un schriew doa waut bie, entwäda opp Papia ooda ellektroonisch

• Wan du en Gott sien Wuat läst, dan froag die selfst: “Wäa? Waut? Wanea? Wua? Wuarom? Woo?”

• Finj mea rut. Bruck daut, waut wie toom nosieekjen haben. Du kaust opp beid Wäaj sieekjen: met Teemasch ooda met Bibelvarzh

• Denkj biem läsen doaräwa no, waut daut fa die bediet

• Bruck daut, waut du lieescht, en dien Läwen (Luk 6:47-48)

KJIKJ DAUT VIDEO HOOL DIE FAUST AUN GOTT SIEN WUAT – DERCH EEN PERSEENELJET STUDIUM, UN DAN BEAUNTWUAT DISE FROAGEN:

• Waut sajen eenje en daut Video äwa daut perseenelje Studium?

• Wuarom sell wie ieescht bäden, ea wie met studieren aunfangen?

• Waut kaun ons halpen, Varzh ut de Schreft bäta to vestonen?

• Waut fa Tieekjens kjenn wie ons en onse Bibel moaken?

• Wuarom es nodenkjen soo wichtich, wan eena Gott sien Wuat studieet?

• Waut sell wie met daut doonen, waut wie lieren?