Von Jaunewoa 2018 aun sent doa emma Iedeeen toom prädjen opp de väaschte Sied von daut Schoolheft fa ons christeljet Läwen un Deenst jewast. Woo kaun eena dee brucken?

Wan eena eene Schooloppgow haft: Eena saul de Froag, dän Bibelvarsch un de Froag fa daut näakjste Mol von de Iedeeen toom prädjen brucken. Oba daut bediet nich, daut eena mott deeselwje Wieed brucken, waut daut Video fa de Iedeeen toom prädjen haft. Eena kaun dee uk en aundre Omstend brucken, eene aundre Enleidunk moaken, opp eene aundre Wajch utlajen un soo wieda. Eena kaun uk een Buak von ons Jereetschoft fa dän Deenst aunbeeden, wan daut en daut Poat uk nich uzhent doavon rät.

Wan eena em Deenst es: De Iedeeen toom prädjen sent bloos toom wiesen, woo eena daut doonen kaun. Wan wäa intressieet es un mea weeten well, kaun eena de Vetal veleicht met de Iedee fa dän Wadabesuch wiedamoaken. Eena kaun de Iedeeen toom prädjen aunpaussen ooda uk gaunz sestwaut brucken. Wudd een Teema von eene aundre Moonat ooda een aundra Bibelvarsch veleicht mea doonen en june Jäajent? Sent de Menschen, wua du wonst, veleicht dolla aun daut intressieet, waut doa rom korz passieet es? Eena kaun de Iedeeen toom prädjen opp veschiedne Wäaj brucken, oba daut wichtichste saul emma sennen, “aules fa daut Evangelium” to doonen, om aundre doamet bekaunttomoaken (1Ko 9:22-23).