9:1-7

Denkjt mol han, woo Jesus sikj mott jefeelt haben, aus hee vewaundelt wort un von sienen himlischen Voda hieed sajen, daut dee met am tofräd wia. Secha jeef am daut Krauft, daut hee daut Lieden derchgonen kunn, waut hee entjäajen jinkj. Un uk fa Petrus, Jakobus un Johanes wia dise Vision waut, waut see kjeenmol vejäten wudden. Gaunz secha wia Jesus de Messias un dee hauden goode Uasoak, no am to horchen. Bie 32 Joa lota räd Petrus von dise Erfoarunk un daut sien Gloowen aun daut, waut “de Profeeten jesajcht” hauden, doaderch noch stoakja jeworden wia (2Pe 1:16-19).

Wan wie dee besondre Vision uk nich selfst jeseenen haben, kjenn wie oba de Erfellunk seenen. Jesus rejieet aus een majchtja Kjennich. Boolt woat hee sienen Kjrich to Enj brinjen un soo dän Wajch opmoaken no de jerajchte niee Welt (Opb 6:2, NW).

Woo es dien Gloowen stoakja jeworden, doaderch, daut du sitst, woo de biblische Profezeiungen sikj erfellen?