De Leew es soo aus Liem, waut eene Famielje toophelt. Onen Leew kunnen dee nich veeent bliewen un uk nich fein toopschaufen. Woo kjennen Ehemana, Ehefrues un Elren Leew wiesen?

Een leeftolja Ehemaun woat doaraun denkjen, waut siene Fru brukt, waut dee denkjt un woo dee sikj feelt (Ef 5:28-29). Hee woat em tieteljen un em jeisteljen fa siene Famielje sorjen un doano seenen, daut dee pinkjlich een Famieljenstudium haben (1Ti 5:8). Eene leeftolje Ehefru woat äaren Maun unjadon sennen un dän achten (Ef 5:22, 33; 1Pe 3:1-6). Beid Ehepoatna sellen sikj unjarenaunda wellich vejäwen (Ef 4:32). Leeftolje Elren sent om jieda eent von äare Kjinja bekjemmat un lieren dee, Jehova to leewen (5Mo 6:6-7; Ef 6:4). Dee wudden kjennen äwalajen: “Waut fa Trubbels haben onse Kjinja enne School? Woo gonen dee doamet om, wan aundre an to waut metrieten wellen?” Wan doa väl Leew en de Famielje es, dan woaren dee sikj doa aula wool un secha feelen.

KJIKJ DAUT VIDEO WIEST LEEW ONEN ENJ EN JUNE FAMIELJE, UN DAN BEAUNTWUAT DISE FROAGEN:

• Woo wiest een leeftolja Ehemaun, daut hee fa siene Fru doa es un ar waut räakjent?

• Woo wiest eene leeftolje Ehefru, daut see äaren Maun väl achten deit?

• Woo kjennen leeftolje Elren äare Kjinja met Gott sien Wuat oppschoapen?