Wiels wie en de latste Doag von “de latste Doag” läwen, räakjen wie doamet, daut de Trubbels noch woaren väl schlemma woaren (2Ti 3:1; Erkjläarunk toom studieren en nwtsty von Mat 24:8). Jehova sien Volkj kjricht foaken Aunwiesungen, waut dan jroz fälen, wan waut schlemmet passieet, un waut dee uk daut Läwen raden kaun. Om daut wie dan äwaläwen kjennen, kaun doavon aufhenjich sennen, aus wie nu jehorchen un ons em jeisteljen un uk em tieteljen reedmoaken (Luk 16:10).

• Moak die em jeisteljen reed: Hab goode jeistelje Jewanheiten. Lia daut, opp veschiedne Wäaj to prädjen. Enjst die nich too sea, wan du uk mol een Stootje nich kaust met de Breeda toop sennen (Jes 30:15). Wiels Jehova un Jesus sent je emma bie die (od-X 176 V. 15-17).

• Moak die em tieteljen reed: Hab eene Nootfaultausch reed. Jieda Famielje saul uk jewesset Äten, Wota un Medizien tus haben un aundre Sachen, waut dee kunnen fälen, wan dee mol sullen fa eene jewesse Tiet nich rutkjennen (Spr 22:3; g17.5-X 4, 6).

KJIKJ DAUT VIDEO SENT WIE REED, WAN EEN OWWADA KJEMT?, UN DAN BEAUNTWUAT DISE FROAGEN:

• Woo kjenn wie ons em jeisteljen opp een Owwada reedmoaken?

• Wuarom sell wie . . .

  • de Eltestasch aules weeten loten, waut doa fält?

  • eene Nootfaultausch reedmoaken?

  • doaräwa nodenkjen, waut fa schlemmet passieren kunn un waut eena en jieda Loag doonen mott?

• Waut sent dree Wäaj, woo wie aundre halpen kjennen, wan dee een Owwada traft?

DENKJ MOL ÄWA NO: “Waut lieet de COVID-19-Krankheit mie äwa reed sennen?”