Oppjebrocht sennen schlapt äwa. Daut halpt, daut aundre ons dolla toohorchen, un aundre kjennen dan uk seenen, daut wie selfst dise Norecht fa wichtich talen. Endoont von wua wie häakomen ooda woo wie oppjewossen sent ooda waut vonne Perseenlichkjeit wie haben, wie kjennen lieren, oppjebrocht to sennen (Ree 12:11). Woo kjenn wie daut?

Ieeschtens: Denkj doaräwa no, woo wichtich onse Norecht es. Wie haben de Iea, de goode Norecht bekaunttomoaken (Ree 10:15). Tweedens: Denkj äwa daut goode no, waut de Norecht aun de Menschen doonen kaun. Dee fält daut opp iernst aun de Norecht, waut du dee brinjst (Ree 10:13-14). Dreddens: Räd met Jefeelen. Bruck uk diene Henj un dien Jesecht toom wiesen, woo du werkjlich feelst, oba äwadriew daut nich.

KJIKJ DAUT VIDEO FINJ UT, WOO SCHEEN DAUT JEIT, JINJA TO MOAKEN – WOA EEN BÄTRA LIERA – DOO OPPJEBROCHT RÄDEN, UN DAN BEAUNTWUAT DISE FROAGEN:

• Waut brocht daut bat doa, daut Neeta nich mea soo oppjebrocht wia met daut Studium met Jade?

• Waut holp Neeta, wada oppjebrochta to woaren?

• Wuarom sell wie bie aundre no daut goode kjikjen?

• Waut kaun daut aun onse Bibelstudiums un aun aundre doonen, wan wie oppjebrocht sent?