Aus onvolkomne Menschen mott wie emma doaraun schaufen, daut wie ons Velangen unja Kontroll haben. Wan wie ons de Wellen leeten, kunn daut bat doa komen, daut Jehova nich mea eenen Jefaulen aun ons haud. Eenje loten biejlikj too, daut daut Velangen no Äten, Kjleeda un eenen Veblief stoakja woat aus de Leew fa Gott. Aundre gonen äa orreinet Velangen no un es daut endoont, woo Gott doaräwa denkjt (Ree 1:26-27). Un eenje loten sikj von aundre metrieten, wäajen dee wellen, daut se an jleichen sellen ooda daut see doa mankpaussen (2Mo 23:2).

Waut kjenn wie doonen, daut ons Velangen ons nich väasajcht? Wie motten ons aunstrenjen, ons met jeisteljet auftojäwen (Mat 4:4). Wie sellen Jehova uk doano prachren, daut hee ons halpt, ons Velangen unja Kontroll to haben. Wuarom? Wiels hee weet, waut daut baste fa ons es un woo hee onse goode Wenschen kaun tofräd stalen (Ps 145:16).

KJIKJ DAUT VIDEO VERIEEKJA DIEN LÄWEN NICH, UN DAN BEAUNTWUAT DISE FROAGEN:

• Wuarom schmieekjen eenje?

• Waut kaun schmieekjen aun die doonen?

• Wuarom es daut orrajcht, jeweenelje ooda ellektroonische Zegoaren to schmieekjen? (2Ko 7:1).

• Woo kaust du daut Schmieekjen aufsajen ooda mau rajcht doamet opphieren?