De Bibelschiela motten eenen stoakjen Gloowen kjrieen, daut see Gott jefaulen kjennen (Heb 11:6). Wie kjennen dee to Hoaten räden, wan wie daut Buak brucken Een scheenet Läwen fa emma!. En dit Buak sent wichtje Bibelvarzhen, Sachen, waut kloa utjelajcht sent, goode Froagen, Videos, waut to Hoaten gonen, un sea schmocke Bilda bennen. Wan wie de Bibelschiela halpen, christelje Ieejenschoften to kjrieen un Frind met Gott to woaren, dan bu wie met soont, waut de “Fiaproow bestonen woat” (1Ko 3:12-15).

Eenje Menschen kjennen sikj daut meist nich väastalen Frind met Gott to woaren, wan see dän nich seenen kjennen. Doawäajen mott wie dee halpen, Jehova kjanen to lieren un äaren Gloowen opptobuen.

KJIKJ DAUT VIDEO DÄN GLOOWEN AUN JEHOVA OPPBUEN MET DAUT LÄWEN-FA-EMMA-BUAK, UN DAN BEAUNTWUAT DISE FROAGEN:

• Woo weet wie, daut de Sesta sikj fa daut Studium fein reedmuak?

• Woo brukt de Sesta noch oppoat goode Froagen, om dän Bibelschiela to halpen, Jesaja 41:10, 13 noch bäta to vestonen?

• Waut deed daut Video un de Bibelvarzhen aun dän Bibelschiela?

Väl Menschen weeten nich, waut daut met daut Leesjelt opp sikj haft ooda dee talen daut nich doafäa, daut et fa an een Jeschenkj von Gott es (Gal 2:20). Doawäajen mott wie dee halpen, äaren Gloowen aun daut Leesjelt von Jesus opptobuen.

KJIKJ DAUT VIDEO DÄN GLOOWEN AUN JESUS OPPBUEN MET DAUT LÄWEN-FA-EMMA-BUAK, UN DAN BEAUNTWUAT DISE FROAGEN:

• Woo weet wie, daut de Brooda sikj fa daut Studium fein reedmuak?

• Woo brukt hee daut Poat “Mea nosieekjen” toom dän Bibelschiela daut baste halpen?

• Wuarom es daut fa dän Bibelschiela wichtich to bäden?