Wie räakjnen doamet, daut et met Orru enne Welt, schlajchte Menschen un Kjrich emma oaja woat, je noda daut Weltenj kjemt (Opb 6:4). Woo kjenn wie ons opp soone Schwierichkjeiten reedmoaken?

• Moak die em jeisteljen reed: Sieekj die Gruntsauzen un Jeschichten enne Bibel, waut dien Vetruen opp Jehova un siene Organisazion stoakjen un die halpen, die opp kjeenem siene Sied to stalen (Spr 12:5; jr-X 125-126 V. 23-24). Nutz de Tiet nu goot ut, goode Frind met de Breeda enne Vesaumlunk to woaren (1Pe 4:7-8).

• Moak die uk aundasch reed: Hab eenen Plon, wua du die en dien Hus en Schutz brinjst un hab jenuach Ätwoa. Moak die uk doaropp reed, waut du doonen woascht, wan du dien Hus veloten motst. Kjikj uk doano, aus en diene Nootfaultausch daut needichste bennen es, soo aus Jelt ooda Sachen, waut die beschitzen kjennen. Moak die secha, woo du de Eltestasch waut weeten loten kaust un woo dee die waut weeten loten kjennen (Jes 32:2; g17.5-X 3-7).

Wan daut Orru jeft, dan hool die wieda em jeisteljen drock (Flp 1:10). Wank nich von eene Städ no de aundre, buta du motst die fuatbrinjen (Mat 10:16). Sie reed, aundre von dien Äten un aundret to jäwen (Ree 12:13).

KJIKJ DAUT VIDEO SENT WIE REED, WAN DOA WAUT SCHLEMMET PASSIEET?, UN DAN BEAUNTWUAT DISE FROAGEN:

• Woo kaun Jehova ons halpen, wan doa waut schlemmet passieet?

• Waut kjenn wie doonen, om ons reedtomoaken?

• Woo kjenn wie soone halpen, waut Schoden jekjräajen haben, wäajen doa waut schlemmet passieet es?