Waut es de oppjeschnakte Bibel? Daut es de derchjeseene New World Translation, waut se oppjeschnakt haben. Soo bie sacht kjemt dee opp soo väl Sproaken rut aus mäajlich. En dise oppjeschnakte Bibel woat fa jieda Mensch eene aundre Stemm jebrukt un daut es eene groote Help. Daut woat rajcht betoont un met soone Jefeelen väajeläst, daut de Norecht von de Schreft krakjt to vestonen jeit.

Woo halpt eenje dise oppjeschnakte Bibel? Väle, waut de oppjeschnakte Bibel pinkjlich aunhorchen, jleichen daut sea, wiels see sikj aules bäta väastalen kjennen. Wan dee de veschiedne Stemmen hieren, kjennen dee sikj doa deepa nennloten un daut uk bäta vestonen, aus wan dee daut bloos läsen. Soo woat de Schreft soo to sajen läwendich fa an (Spr 4:5). Un aundre sajen, daut an de oppjeschnakte Bibel horchen berujen deit, wan dee Sorjen un Angst haben (Ps 94:19).

Wan wie Gott sien Wuat väajeläst hieren, kaun daut sea väl aun ons doonen (2Ch 34:19-21). Wurscht du die daut kjennen to eene Jewanheit moaken, de oppjeschnakte Bibel to horchen, wan dee opp eene Sproak to haben es, waut du vesteist?

KJIKJ DAUT VIDEO WOO DE OPPJESCHNAKTE BIBEL JEMOAKT WOAT (EEN BIET), UN DAN BEAUNTWUAT DISE FROAG:

Waut lat die moakhauftich von daut, woo de oppjeschnakte Bibel jemoakt woat?