Dän 23. Moaz woaren doa sondasorj 12 Millionen Menschen ooda noch mea no daut Owentmol komen aus Jast. Daut woat fa dee een grootet Zeichnis sennen, wan de Rädna äwa daut Leesjelt räden woat, waut Jehova jejäft haft, un uk doaräwa, woo väl Säajen de Menschen doaderch noch mol kjrieen kjennen (Jes 11:6-9; 35:5-6; 65:21-23; Joh 3:16). De Rädna es oba nich de eensja, waut doa woat Zeichnis jäwen. Doaderch, daut wie de Jast leeftolich oppnämen, kjenn wie daut aula (Ree 15:7). Hia es eenjet to seenen, woo wie daut kjennen.

• Enne Städ sikj bloos gonen dolsaten un luaren, bat daut Toopkomen aunfangt, sull wie leewa de Jast un uk dee, waut nich mea prädjen gonen, leeftolich oppnämen un bejreessen

• Wie wellen ons om dee kjemren, waut wie kjanen un enjelot haben, oba wie wellen uk oppmoakjsom sennen, wan doa een Framda hankjemt, wiels dee uk eene Enlodunk jekjräajen haft. Eena wudd dänjanjen kjennen froagen, aus dee nich wull bie eenem setten, un dän loten en de Bibel un en daut Leedabuak metkjikjen

• Wan de Räd ieescht derch es, dan sull eena op sennen, wan doa wäa to waut nieschierich wia. Un wan doa nich väl Tiet es, wiels doa lota noch eene Vesaumlunk daut Owentmol aufhoolen woat, dan kaun eena sikj daut met dänjanjen beräden, sikj een poa Doag lota to trafen. Sull eena nich weeten, woo eena lota wada met dänjanjen enne Räd kjemt, kunn eena froagen: “Woo wudd wie ons lota kjennen mea unjahoolen? Ekj wudd jleichen to weeten, woo junt dit Toopkomen jefollen haft.”