WUAROM DAUT JEDONEN SAUL: 1. Korinta es eent von de 14 Breew, waut de Apostel Paulus schreef toom siene Gloowesbreeda Moot toospräakjen. Biem Breef schriewen kaun eena goode Wieed utwälen un de Läsa kaun dän meamol äwaläsen. Derch Breew kaun eena fein eenem sien Frintschoft un Bekaunde Zeichnis jäwen. Daut es uk eene goode Mäajlichkjeit, soone Zeichnis to jäwen, met dee wie nich perseenlich räden kjennen. Daut kunn biejlikj sennen, daut doa wäa intressieet wia un wie kjennen dänjanjen nich tus trafen. Eenje wonen veleicht en huage Hiesa, wua meist nich hantokomen es, ooda enjetiende Städen ooda weet wua enne wille Hundat un wie kjennen dee wäajen daut nich aunräden. Aun waut mott eena doabie denkjen, un besondasch, wan daut Framde sent?

WOO EENA DAUT DOONEN KAUN:

• Schriew soont, waut du dänjanjen perseenlich wurscht jesajcht haben. Schriew, wäa du best un moak daut kloa, wuarom du schrifst. Du kaust uk eene Froag stalen, wua dee äwa nodenkjen kaun, un moak dän dan met onse Websied bekaunt. Dan schriew uk doavon, woo een Bibelstudium met Jehova siene Zeijen schauft, ooda jäw von irjenteen Buak, waut wie toom studieren brucken, de Tietels von een poa Kapitels aun. Eena kaun uk een Koatje metschekjen, eene Enlodunk ooda een Zeichnisblaut.

• Moak dän Breef nich too lank, soo daut de Läsa doabie nich mootloos woat. (See woo eena kaun eenen Breef schriewen.)

• Läs dän noch eemol äwa toom de Fäla sieekjen un seenen, aus daut leicht to läsen es. Moak die secha, daut sikj daut frintlich un leeftolich hieet un goot jemeent es. Betol jenuach toom dän Breef wajchschekjen.