Bilda ooda aundret toom seenen halpt eenem, daut eena een Intressaunt haft fa daut, waut eena lieet, un daut uk vesteit un em Denkj helt. Jehova, ons basta Liera, brukt uk soowaut, wan hee wäm waut wichtjet lieet (1Mo 15:5; Jer 18:1-6). Un Jesus, de gooda Liera, deed daut uk (Mat 18:2-6; 22:19-21). Waut de latste Joaren aul sea väl goodet jebrocht haft, sent de Videos. Nemst du de Videos goot em Jebruck bie diene Bibelstudiums?

Fa daut Heft Eene goode Norecht von Gott jeft daut tieen Videos, daut eena de veschiedne Poat bäta utlajen kaun. Jeweenlich sent de Video-Tietels von de Froagen jenomen, waut en daut Heft dunkla jeschräwen sent. En daut ellektroonische Buak opp jw.org jeft daut uk Links, waut ons denkjen halpen, wanea wie een Video brucken kjennen. Butadäm hab wie noch aundre Videos, waut to daut Jereetschoft fa dän Deenst paussen.

Motst du äwa een biblischet Teema räden, waut dänjanjen schwoa es to vestonen? Ooda jeit dee jroz eene jewesse Proow derch? Dan sieekj die een Video opp jw.org^® un JW Broadcasting^®, waut dänjanjen wudd halpen kjennen. Veleicht kunn jie junt daut toop beseenen un dan doaräwa räden.

Jieda Moonat komen doa niee Videos rut. Wan du dee sitst, dan denkj doaräwa no, woo du dee brucken kaust, wan du aundre lieescht.