WUAROM DAUT JEDONEN SAUL: Väle, waut blint sent, feelen sikj nich wool, met framde Menschen to vetalen. Doawäajen mott eena sikj doa goot met vestonen, om soone Zeichnis to jäwen. Jehova wiest leeftolich, daut hee om de Blinje bekjemmat es (3Mo 19:14). Wie kjennen am nodoonen un proowen, de Blinje em jeisteljen to halpen.

WOO EENA DAUT DOONEN KAUN:

• Sieekj no de Blinje (Mat 10:11). Kjanst du wäm, wua doa wäa blint es? Sent en dien Jebiet Schoolen ooda Aultenheims ooda aundre Städen, waut wudden soone Bieekja jleichen, waut uzhent fa Blinje sent?

• Wies, daut du om dee bekjemmat best. Wan du to dee frintlich best un wiest, daut du om dee bekjemmat best, woat dee daut halpen, sikj ruja to feelen. Proow eene Vetal auntofangen äwa soont, waut dee en de Jäajent intressieet.

• Halp dee em jeisteljen. De Organisazion haft miere Sorten Bieekja jemoakt toom dee halpen, waut nich seenen kjennen. Froag jiedren eenen, woo dee daut dolste wudd jleichen to lieren. De Deenstoppsechta sull sikj doarom kjemren, daut de Bieekjadeena de paussende Sachen fa jieda Blinjen bestalt.