Wie strenjen ons jieda Joa besonda aun, de Menschen entoloden, daut Owentmol met ons toop to fieren. De mieeschte, waut wie enloden, sent fa ons framd. Oba wie sellen uk soone enloden, waut wie kjanen. Jeweenlich komen soone Menschen, waut eene Enlodunk von eenen Bekaunden kjrieen, ea doa han (yb08-X 12 V. 1; 14 V. 2). Wäm wurscht du kjennen enloden?

• Frintschoft

• Oabeitspoatna ooda Schoolpoatna

• Nobasch

• Wadabesuchs un soone, met dee du nu de Bibel studieescht ooda ea mol hast

De Eltestasch woaren soone enloden, waut nich mea prädjen. Waut, wan een Bekaunda nich dicht bie wont? Dan kaust du noseenen, wua un woonen Klockentiet daut Aundenkjen aun Jesus sienen Doot en dän siene Jäajent sennen woat, wan du opp de Aunfangssied opp jw.org bie MEA ÄWA ONS drekjst un “Aundenkjen” utwälst. Wan du die dit Joa ieescht fa daut Owentmol reedmoakst, dan denkj äwa no, wäm du wurscht kjennen enloden, un brinj dee eene Enlodunk.