Jehova es een schaftja Gott un hee well, daut wie em Deenst uk Freid haben (1Ti 1:11, NW). Wan wie ons em Deenst vebätren, dan woa wie uk mea Freid haben. Un wan wie Froagen stalen, dan kjenn wie dänjanjen nieschierich moaken un daut halpt uk, daut eena leichta kaun eene Vetal aunfangen. Froagen brinjen de Menschen uk toom nodenkjen (Mat 22:41-45). Wan wie Froagen stalen un dan uk toohorchen, wies wie soo to sajen, daut wie dänjanjen waut achten (Jak 1:19). Un dän siene Auntwuat halpt ons dan uk fuaz, daut wie de Vetal fein wiedamoaken kjennen.

KJIKJ DAUT VIDEO FINJ UT, WOO SCHEEN DAUT JEIT, JINJA TO MOAKEN – WOA EEN BÄTRA LIERA – STAL FROAGEN, UN DAN BEAUNTWUAT DISE FROAGEN:

• Waut fa goodet wia bie Jade aul to seenen?

• Woo brukt Neeta Froagen toom wiesen, daut Jade fa ar wichtich wia?

• Woo brukt Neeta Froagen toom Jade to de goode Norecht nieschierich moaken?

• Woo brukt Neeta Froagen, daut Jade selfst nodocht?