Waut opp de moabitische Stap met Israel wort, es fa Christen eene Woarnunk (1Ko 10:6, 8, 11). Eenje Israeliten jeewen sikj met moabitische Frues auf, waut een orreinet Läwen fieeden un Aufjetta aunbäden deeden. Un daut lokt dee enne groote Sind nenn. Woo schlajcht daut nich utkjeem! (4Mo 25:9). Vondoag dän Dach sent wie uk mank Menschen, waut Jehova nich deenen, biejlikj mank Oabeitspoatna, Schoolpoatna, Nobasch, Frintschoft ooda aundre Bekaunde. Waut kjenn wie von dise Jeschicht ut de Schreft lieren, woo jefäadlich daut sennen kaun, met soone Menschen Frind to sennen?

KJIKJ DAUT VIDEO EEN POAT VON “EENE JESCHICHT, WAUT ONS TO EENE WOARNUNK ES”, UN DAN BEAUNTWUAT DISE FROAGEN:

• Waut fa een schlajchtet Denkjen wullen Simri un aundre dän Jamin enbillen?

• Woo holp Pinhas Jamin, de Sachen rajcht to seenen?

• Waut es de Unjascheet tweschen frintlich sennen un Frind sennen met soone, waut Jehova nich deenen?

• Wuarom sell wie mau rajcht enne Vesaumlunk oppaussen, wäm wie ons toom gooden Frint wälen?

• Wuarom wudd wie nich sellen en soone Gruppen äwa Fon ooda Internet sennen, wua Menschen bennen sent, waut wie nich perseenlich kjanen?