Schwierichkjeiten kjennen ons leicht mootloos moaken, besonda wan dee fa lenja bliewen. David wist, daut de Trubbel, waut tweschen am un dän Kjennich Saul wia, irjentwanea een Enj haben wudd, un daut hee wudd de Kjennich woaren, soo aus Jehova vesproaken haud (1Sa 16:13). David sien Gloowen holp am jeduldich to sennen un no Jehova to wachten.

Veleicht kjenn wie onsen Trubbel fiksen, wan wie kluak, vestendich un veninftich doamet omgonen (1Sa 21:13-15; Spr 1:4). Oba eenje Schwierichkjeiten woaren nich äwagonen, wan wie uk aules jedonen haben, waut wie kjennen un waut de Schreft ons toorot. Dan mott wie jeduldich sennen un no Jehova wachten. Boolt woat hee met aulet Lieden een Enj moaken un ons “aule Tronen von de Uagen weschen” (Opb 21:4). Aus Jehova nu met onse Trubbels een Enj moakt ooda daut wäajen irjentwaut aundret es, eent es secha: Aule Schwierichkjeiten haben irjentwanea een Enj. Dit kaun ons aul treesten.

KJIKJ DAUT VIDEO EEN VEEENDET VOLKJ EN EENE JEDEELDE WELT, UN DAN BEAUNTWUAT DISE FROAGEN:

• Waut fa Schwierichkjeiten hauden eenje Breeda em Sieden von de Stäts?

• Woo weesen dee Jedult un Leew?

• Woo kjikjten dee wieda doano, waut “daut aulabaste” wia? (Flp 1:10).