David jewonn Goliat, wäajen hee opp Jehova vetrud (1Sa 17:45). Jehova well aul siene Deena bietostonen (2Ch 16:9). Woo kjenn wie ons opp Jehova veloten enne Städ opp onse ieejne Erfoarunk un Krauft? Wie kjennen dreeatlei doonen:

• Bäd foaken. Bäd nich bloos om Vejäwunk, wan du eenen Fäla jemoakt hast, oba bäd Jehova om Krauft, wan du vesocht woascht (Mat 6:12-13). Bäd Jehova nich bloos doarom, daut hee daut säajnen saul, waut du aul entschieden hast, oba froag am no Rot un Weisheit, ea du die to waut eenich woascht (Jak 1:5).

• Läs un studia räajelmässich de Bibel. Läs jieda Dach de Bibel (Ps 1:2). Denkj äwa biblische Biespels no un komm daut no, waut du lieescht (Jak 1:23-25). Moak die fa dän Deenst reed, enne Städ bloos opp diene Erfoarunk to vetruen. Moak die fa de Toopkomes reed, soo daut du doa daut mieeschte bie hast.

• Schauf met Jehova siene Organisazion toop. Kjikj emma doano, woont de nieste Aunwiesungen von de Organisazion sent, un komm dee fuaz no (4Mo 9:17). Horch no de Eltestasch, wan dee die Rot un Aunwiesungen jäwen (Heb 13:17).

KJIKJ DAUT VIDEO HAB NICH ANGST FA JÄAJENSTAUNT, UN DAN BEAUNTWUAT DISE FROAGEN:

• Waut vonne Angst hauden de Breeda un Sestren?

• Woo kunnen dee met äare Angst foadich woaren?